![](https://top-channel.tv/wp-content/uploads/2024/09/r_sd-800x450.jpg)
Aktori i njohur dhe mjaft ikonik në filmat e “Marvel” Jeremy Renner ka menduar që të gjithë fansave të tij dhe ndjekësit janë të shqetësuar për të dhe ka dhënë një përditësim në lidhje me gjendjen e tij shëndetësore nëpërmjet mikes së tij.
Aktori i famshëm u dërgua në spital pasi u përplas aksidentalisht nga borapastruesi i tijpranë rezidencës së tij pranë liqenit Tahoe, Nevada.
Megjithatë, përditësimi i fundit erdhi nga aktorja tjetër Evangeline Lily, e cila luan në “Ant-Man”. 43-vjeçarja kanadeze shkoi për ta vizituar aktorin në shtëpinë e tij, siç ka treguar ajo në një intervistë për Access. Pas largimit nga spitali, Renner ka ndjekur seancat e fizioterapisë në përpjekjen e tij për të rifituar lëvizshmërinë dhe forcën, pasi ai qëndroi disa javë në një shtrat spitalor.
Nga ana tjetër, Lily ka treguar në intervistën e saj se gjatë bisedës me Renner-in i ka treguar me detaje se çfarë ka ndodhur në festën e Vitit të Ri. Në fund të janarit, Renner informoi fansat se kishte thyer më shumë se 30 kocka. Më shumë se dy javë më vonë, aktori tashmë po shërohej në shtëpi, ku kryen të gjitha ushtrimet e tij rehabilituese.
Rikujtojmë gjithashtu se autoritetet kanë nisur hetimet për këtë aksident të rëndë që kur ka ndodhur dhe tashmë kanë zbuluar disa detaje në një raport. Gjetjet e tyre tregojnë se aktori i njohur është goditur nga borëpastruesi teksa përpiqej të shpëtonte nipin e tij. CNN ka pasur akses në këtë raport që shpjegon se 52-vjeçari kalifornian po largonte borën nga ferma e tij në mënyrë që nipi i tij të dilte prej andej me kamionin e tij. Renner ndaloi borëpastrimin kur vuri re se ajo filloi të “rrëshqiste anash” dhe “rrotullohej teposhtë”, por ai nuk e kishte vendosur frenin e parkimit. Sherifi i Nevadës raportoi se:
”Sapo doli nga kabina, ai kuptoi se borëpastruesi ishte drejtuar drejt nipit të tij. Ai kishte frikë se do ta përmbyste, kështu që vendosi të përpiqej ta ndalonte ose ta kthente. Ai u përpoq me shumë, duke dashur të kthehej në kabinë, por “u tërhoq zvarrë nën rrotat e majta”. Borëpastruesi u rrokullis mbi të dhe vazhdoi rrugën”.
Top Channel