Aksident me vdekje në Jubë të Durrësit
03/02/2023 09:47
Gazetari i RAI 3 shkeli etikën! Historia e penalizimit të Sigfrido Ranucci, blinte video për të goditur politikanët 04/05 19:41
Pamje nga vendngjarja
Shkelja e rregullave të qarkullimit rrugor vazhdon të shkaktojë aksidente me pasoja të rënda për jetën dhe shëndetin në rrugët e Durrësit.
Mëngjesin e sotëm, një 66-vjeçar humbi jetën në një aksident automobilistik në Jubë të Durrësit.
Fillimisht, u deklarua se viktima Qemal Tabaku po udhëtonte me një motor pa targa kur ka humbur kontrollin dhe ka dalë nga rruga duke gjetur vdekjen. Po nga këqyrja e vendit të ngjarjes rezulton se motori është goditur nga një automjet, që e ka nxjerrë nga rruga dhe është larguar pa i dhënë as ndihmën e parë.
Grupi hetimor po punon për identifikimin e mjetit që ka shkaktuar aksidentin e rëndë në rrugën e fshatit Jubë.
Ky është aksidenti i parë me vdekje për këtë muaj, ndërsa në janar në rrugët e Durrësit u regjistruan 16 aksidente me 3 viktima dhe 18 të plagosur.
Ndërkohë vitin e kaluar në aksidentet rrugore në nivel qarku humbën jetën 23 persona, u plagosën rëndë 30 dhe u dëmtuan dhjetëra të tjerë. Specialistët e policisë rrugore apelojnë për kujdes dhe përgjegjshmëri në përdorimin e rrugës.
Durrës/Informacion paraprak
Rreth orës 09:00, në fshatin Jubë, Durrës, shtetasi Q. T., 66 vjeç, duke drejtuar motomjetin, ka humbur kontrollin dhe për pasojë, motomjeti ka dalë nga rruga. Nga ky aksident, 66-vjeçari ka humbur jetën. Grupi hetimor vijon punën për përcaktimin e shkakut të aksidentit.
Top Channel
