Kapet duke vjedhur në Kavajë, 36 vjeçari katër herë i dënuar, ka kryer shtatë vjedhje gjatë janarit

Nga hetimet rezultoi se B. M., është dënuar edhe katër herë të tjera më parë për të njëjtën veprimtari kriminale. Ai cilësohej i shpallur më kërkim, pasi i ishte caktuar masa e sigurisë “Arrest në burg”, për veprën penale “Vjedhja”, kryer në bashkëpunim.

Policia ka zbardhur 7 vjedhje të kryera nga 36-vjeçari  gjatë javës së fundit muajit janar, në Kavajë. Vjedhjet janë kryer në gjashtë banesa dhe një subjekt tregtar.

Gjithashtu janë zbardhur 4 vjedhje që ky person ka kryer gjatë muajit dhjetor në Cërrik me shuma parash dhe sende të ndryshme në banesa dhe subjekte tregtare.

Sendet e vjedhura janë sekuestruar nga policia në cilësinë e provës materiale.

Ndërkohë që vijon puna për hetime, materialet i kaluan Prokurorisë, për veprime të mëtejshme.

“Finalizohet nga Komisariati i Policisë Kavajë dhe Komisariati i Policisë Cërrik, operacioni policor i koduar “Often”, për goditjen e veprimtarisë kriminale të përsëritur në fushën e vjedhjes së pronës dhe pasurisë. U kap në flagrancë duke vjedhur në një banesë, në Kavajë, vihet në pranga 36-vjeçari i shpallur në kërkim për vjedhje. 36-vjeçari, i dënuar 4 herë më parë, për të njëjtën veprimtari kriminale. Zbardhen 7 vjedhje të kryera nga ky shtetas, gjatë muajit janar, në Kavajë. Në bashkëpunim me Komisariatin e Policisë Cërrik, zbardhen 4 vjedhje të tjera të kryera nga ky shtetas, gjatë muajit dhjetor 2022, në Cërrik. Sekuestrohen sende të ndryshme, të dyshuara të vjedhura. Shërbimet e Komisariatit të Policisë Kavajë, në vijim të punës për goditjen e paligjshmërive në fushën e vjedhjes së pronës dhe pasurisë, në bashkëpunim me Komisariatin e Policisë Cërrik, finalizuan operacionin policor të koduar “Often”, në kuadër të të cilit u vu në pranga shtetasi: – B. M., 36 vjeç, banues në Cërrik, për veprën penale “Vjedhja”. Ky shtetas është kapur në flagrancë duke vjedhur në një banesë, në fshatin Qerret, Kavajë. Nga veprimet hetimore rezultoi se 36-vjeçari ishte shpallur më kërkim, pasi Gjykata e Rrethit Gjyqësor Elbasan, me vendimin e datës 23.01.2023, i ka caktuar masën e sigurisë “Arrest në burg”, për veprën penale “Vjedhja”, kryer në bashkëpunim. Në vijim të veprimeve hetimore të kryera nga specialistët për Hetimin e Krimeve të Komisariatit të Policisë Kavajë ka rezultuar se ky shtetas, gjatë javës së fundit të muajit janar, ka vjedhur sende të ndryshme, në 6 banesa dhe në 1 subjekt tregtar, në Kavajë. Disa nga sendet e vjedhura janë gjetur dhe skuestruar në cilësinë e provës materiale. Gjithashtu, si rezultat i bashkëpunimit dhe shkëmbimit të informacioneve me Komisariatin e Policisë Cërrik, rezultoi se ky shtetas, gjatë muajit dhjetor të vitit 2022, ka vjedhur shuma parash dhe sende të ndryshme, në 4 banesa dhe subjekte tregtare, në Cërrik. Vijon puna për dokumentimin e vjedhjeve të tjera që mund të jenë kryer nga ky shtetas, identifikimin dhe kapjen e bashkëpunëtorëve të tij. Materialet i kaluan Prokurorisë, për veprime të mëtejshme”, sipas njoftimit të policisë.

Top Channel