Katër persona janë në hetim për vendosjen e paligjshme të kamerave në qarkun Dibër.
Deri më tani janë sekuestruar 6 kamera në këtë qark, ku pesë prej tyre ishin në Peshkopi.
Në vijim të fazës së shtatë të këtij plani operacional, në qytetin e Peshkopisë policia ka çmontuar 5 kamera, për vendosjen e të cilave janë në hetim shtetasit S.Ç; L.K; R.S.
“Qarku Dibër/Vijon faza e shtatë e zbatimit të planit operacional policor mbarë kombëtar të koduar “Fijet”, i iniciuar nga Drejtoria e Përgjithshme e Policisë së Shtetit.
Shkon në 6 numri i kamerave të çmontuara dhe në 4 numri i shtetasve për të cilët janë iniciuar hetime të thelluara.
Strukturat e DVP Dibër bashkëpunim me Komosariatin e Policisë Dibër, në zbatim të detyrave të përcaktuara në kuadër të planit operacional mbarëkombëtar të koduar “Fijet”, i iniciuar nga Drejtoria e Përgjithshme e Policisë së Shtetit, si dhe me mbështetjen e inteligjencës informative, për vendosjen e paautorizuar të disa kamerave, konkretisht në disa lagje të qytetit, me qëllim sigurimin e informacioneve, për qëllime kriminale, si dhe për të monitoruar lëvizjet e Policisë, kanë organizuar punën për evidentimin dhe çmontimin e këtyre kamerave, identifikimin e pronarëve të tyre, si dhe për dokumentimin e plotë ligjor të qëllimit të përdorimit. Në vijim të fazës së shtatë të këtij plani operacional, në qytetin e Peshkopisë, shërbimet e Policisë, kanë çmontuar 5 kamera, për vendosjen e të cilave janë në hetim shtetasit S.Ç; L.K; R.S.. Materialet i kaluan Prokurorisë, për veprime të mëtejshme procedurale.
Top Channel
