“Tregoi emrin e një miss-i shqiptar”/ Kush e “shkatërroi” Parashqevi Simakun? Ish bashkëshorti: Miqtë e saj donin… 19/12 00:17
Mes krizës së emigracionit të paligjshëm që ka pllakosur Britaninë e Madhe, Franca, që ka marrëveshje me këtë vend për të parandaluar nisjet me varka të vogla e gomone nga brigjet e saj, ka rritur së fundi numrin e patrullimeve në La Mansh.
BBC thotë se fakti që rojet bregdetare franceze kanë vendosur të nxjerrin në ujërat e tyre edhe dy anije të tjera për t’u marrë me numrin në rritje të emigrantëve që përpiqen të arrijnë në Mbretërinë e Bashkuar, konsiderohet një lëvizje e “paprecedentë”.
Ky hap i autoriteteve franceze vjen pas një rrebeshi kritikash ndaj reagimit francez pas incidentit në nëntor 2021, kur 27 persona teksa tentonin të shkonin në Angli me gomone. Sivjet, një numër rekord njerëz, apo më shumë se 40,000 njerëz kanë bërë kalime të tilla. 12 mijë prej tyre janë shqiptarë. në vitin 2020, kjo shifër ishte vetëm 50. Muajin e kaluar, Mbretëria e Bashkuar ra dakord të rrisë pagesat për Francën me 8 milion paund më shumë në vit, duke e çuar në 63 milion £ në përpjekje për të ndaluar kalimet në La Mansh me mjete të vogla lundruese.
Paratë do të paguhen për shtimin e mbikqyrjes së plazheve franceze, ndërsa oficerët e policisë në Mbretërinë e Bashkuar do të jenë gjithashtu në gjendje të vëzhgojnë patrullimet brenda Francës.
Top Channel
