Kërcime me këngët e Elvana Gjatës/ Me një “Samba”, Arditi dhe Jora hapin natën e dhjetë të DWTS
09/12/2022 21:39
“Dancing With The Stars”, programi që theu rekordet e shikueshmërisë! 28/01 11:33
Arditi dhe Jora sollën shumë energji në hapjen e “Dancing With The Stars” me këngën e Elvana Gjatës “Disco Disco”.
Performanca ishte shumë alegro gjatë gjithë kohës, por mori shumë kritika nga juria për sa i përket hapave.
Elvana Gjata: Është një ndër kërcimtarët më të mirë këtu dhe një konkurrent shumë i fortë. Jam e lumtur që po shkëlqen me atë energjinë tënde. Mua më pëlqeve shumë.
Keidi Kadiu: Ke shumë personalitet dhe energji, vetëm se duhet ta respektosh. Unë Sambën se pashë, pashë vetëm të Jorës. Hapat ishin por realizimi i hapave nuk ishte në këtë gjini të sambas. Ti e personalizon dhe del jashtë kufirit.
Dalina Buzi: Ishte një rrëmujë, vërtetë donit të eksploronit, por të kapi ai qejfi për të bërë shumë gjëra dhe humbët bazën. U duk pak rrëmujë, më mungoi baza.
Armand Peza: Kishe shumë gjera të futura nga vetja. Ishte energji shumë e mirë. Arditi di si të qëndrojë në kamera dhe të bëjë atmosferës.
Valbona Selimllari: Unë pata një moment në fund me Jorën që pati një moskoordinim. Energjia është e tepërt dhe iu fute më shumë energjisë seç duhet.
Me performancën, e cila rrëmbeu komplimente dhe kritika nga juria, çifti arriti të merrte 41 pikë në total.
Këtë të premte shtatë konkurrentët do të kërcejnë me hitet e këngëtares së famshme shqiptare, Elvana Gjata. Veç katër anëtarëve të jurisë, edhe artistja do të vlerësojë konkurrentët me pikë.
Këtë mbrëmje do të shpallet gjysmë finalisti i parë dhe sonte nuk ka eliminim, por vota e publikut mbetet shumë e rëndësishme. Me bashkimin e votave të publikut dhe pikëve të jurisë, do të shpallet konkurrenti që do të ketë imunitet të premten e ardhshme.
Top Channel
