Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Kim Kardashian reagon ditë pas kërkesës për falje të markës ‘Balenciaga’.
Shtëpia e modës Balenciaga u kritikua ashpër pas një fushate promocionale me modelë fëmijë, dhe lodra si arushë pelushi, të cilat shkaktuan tërbim në rrjet dhe u quajtën ”mbrojtje pedofilie’ nga shumë kritikë. Por nuk mungan kritikat as për ambasadoren e markës, Kim Kardashian.
Ylli televiziv, 42 vjeç, u akuzua për heshtje ndaj imazheve.
“Si nënë e katër fëmijëve, jam tronditur nga ato imazhe shqetësuese. Siguria e fëmijëve duhet të trajtohet me respektin më të lartë dhe çdo gjë kundër saj nuk duhet të ketë vend në shoqërinë tonë”, tha Kardashian.
Kim përmendi se heshtja e saj nuk ishte për shkak të mungesës së neverisë dhe zemërimit, por sepse donte të fliste me Balenciaga-n për të kuptuar vetë se si mund të kishte ndodhur kjo.
“Çdo përpjekje për të normalizuar abuzimin e fëmijëve të çfarëdo lloji nuk duhet të ketë vend në shoqërinë tonë – kurrë” u shpreh ajo.
Duke lavdëruar markën për heqjen e fushatave dhe për kërkesën e faljes, ajo tha se po rivlerësonte marrëdhënien e saj me kompaninë.
Por gjithashtu u tha ndjekësve se besonte se marka e kuptonte seriozitetin e çështjes dhe se do të merrte hapa për t’u siguruar që kjo nuk do të ndodhte më.
Ndërsa kritikat u krijuan, Balenciaga i fshiu të gjitha imazhet pak kohë më vonë. Pas kësaj, disa kanale mediatike amerikane të krahut të djathtë u përhapën me këtë histori dhe akuzuan shtëpinë e modës për miratimin e pornografisë së fëmijëve.
Top Channel
