Pas takimit me Macronin, Mickoski shprehet optimist për integrimin evropian 08/11 22:26
Ka fshatra italianë që shesin shtëpi sa çmimi një filxhani kafeje, por një rajon do t’ju paguajë vetëm që ju të shkoni për ta vizituar.
Friuli Venezia Giulia, në verilindjen e largët të Italisë, do të rimbursojë udhëtimet e vizitorëve nëse ata udhëtojnë me tren nga kudo në Itali. Nëse kjo nuk është e mjaftueshme për t’i joshur turistët, rajoni do t’ju japë gjithashtu një kartë që fiton hyrje falas në muze si dhe transport publik falas, shkruan Cnn.
Por ka një kusht, duhet të qëndroni të paktën dy netë. Por kjo nuk është një sakrificë e madhe në këtë rajon, ku do të gjeni qytete të lashta të artit, male, milje e kilometra vend verërash dhe disa nga plazhet më të mira të Italisë.
Duke filluar nga sot, deri më 31 maj 2023, bordi turistik vendas do të rimbursojë tarifat e trenave vendase të udhëtarëve që mbërrijnë në qytetet Trieste dhe Udine dhe në vendpushimet bregdetare të Grado dhe Lignano Sabbiadore, në një përpjekje për të promovuar turizmin në këto vende.
Top Channel
