Kompania amerikane e çelikut mund t’i shitet një firme japoneze, ja sa parashikohen fitimet 17/11 18:46
CARA Delevingne dhe aktorja e Hollywood, Margot Robbie ishin dje protagoniste të një rrahjeje me grushte teksa dy shoqëruesit e tyre producenë të njohur, u arrestuan jashtë një restoranti në Argjentinë.
Dy gratë e famshme sapo kishin përfunduar vaktin e tyre luksoz në restorantin e njohur Patagonia Sur në Buenos Aires rreth orës 3 të natës kur një fotograf tentoi të bënte një foto të dyshes.
Josey McNamara, producent dhe partner biznesi i Margot, si dhe miku i tij Jac Hopkins, nisën të përlesheshin me parazzi-n vendas Pedro Alberto Orquera, i cili përfundoi përtokë i përgjakur dhe sipas raportimeve me një krah të thyer.
Dy britanikët u arrestuan dhe dërguan në stacionin e policisë për t’u marrë në pyetje, ndërsa vetë gratë Margot e Cara ishin larguar nga skena e incidentit të dhunshëm.
Pedro thotë tashmë se ka përgatitur padinë për sulmin e paprovokuar.
Modelja dhe aktorja britanike Cara, 30 vjeçe, dhe kolegia australiane Margot, 32, ishin duke ngrënë në restorantin e famshme Francis Mallmann kur ndodhi incidenti skandaloz.
Dyshja kishin ardhur aty bashkë me dy producentët, me të cilët kanë punuar dhe për filmin e njohur ‘Wolf of Wall Street’.
Fotografi Pedro tha për britaniken The Sun: “Ishte një sulm brutal, vërtet djallëzor. Ata u përpoqën të merrnin aparatin tim dhe të fshinin fotot që kisha bërë.
“Unë përpiqesha të largohesha sepse ata po më godisnin. Kur tentova të vrapoja ata më qëlluan me shkelm aq fort sa kamera ime përfundoi në ajër dhe unë rashë përtokë duke plagosur krahun”.
Pas disa minutash kishte ardhur policia ndërsa dy vajzat e famshme po ngjiteshin në makinë kur ndodhi rrahja dhe shoferi i largoi me shpejtësi.
Në një raport të policisë dy producentët sulmues McNamara e Hopkins kishin deklaruar se Pedro ishte “vetë përgjegjës për plagët e shkaktuara” pasi aktoret nuk kishin dhënë miratimin që ai të merrte foto të tyre.
McNamara e Hopkins dolën sot para gjyqit ndërsa Margot e Delevingne janë larguar në jug të Argjentinës, sipas raportimeve.
Zhvillimi vjen pas disa raportimeve në media për sjelje të pakontrolluara të Cara pas imazheve të saj duke tymosur një pipë jashtë një dyqani lodrash seksi muajin e kaluar, shkruan TheSun.
Margot e Cara besohet se janë njohur në një bar – para se të luanin në filmin ‘Suicide Squad’.
Top Channel
