Zbardhet kalendari i Superiores deri në javën e fundit të kampionatit 30/04 09:25
Lajm i keq nga infermieria e Real Sociedadit rreth gjendjes fizike të Sadiq Umar.
I blerë nga klubi bask për 20 milionë euro nga Almeria, 25-vjeçari mund të thuhet se e ka mbyllur sezonin.
Shënoi tre gola në pesë ndeshje në La Liga më këtë fillim sezoni (dy me Almerian dhe tjetrin me Sociedadin), por dëmtimi i rëndë i pësuar ndaj Getafes, të dielën (minuta e 38-të) nuk do ta lejojë të kthehet në fushë për muaj të tërë.
Sipas SuperSport lëndimi dukej i rëndë që në fillim dhe ekzaminimet mjekësore vërtetuan parashikimet më të këqija.
“MRI e kryer këtë mëngjes zbuloi një këputje të ligamentit të brendshëm të kryqëzuar. Është një dëmtim që kërkon trajtim kirurgjik. Informacione të mëtejshme do të jepen në ditët në vijim”.
I zgjedhur nga Real Sociedadi për të marrë trashëgiminë e suedezit Isak, që iu bashkua Nwacastle, ai firmosi me klubin bask për një shumë të madhe (20 milionë euro). Me fanellën e Real Sociedadit ka luajtur në vetëm dy ndeshje, duke shënuar që në debutim kundër Atleticos së Madridit.
Top Channel
