Vetëm 2 dite ka zgjatur arratisja e Klodian Keqit i cili ishte ne kërkim për vrasjen e Luan Lushit në fshatin Zgerdhesh te Fushëkrujes
Mëngjesin e kësaj të premte Klodian Keqi u arrestua në Konispol në tentativë për të kaluar ilegalisht kufirin drejt Greqisa. Forcat operacionale vunë në pranga edhe dy bashkëpunëtorët nga Fushëkruja Lavdim Kasalla dhe Luftim Gjoka të cilët kryen transportimin e 40 vjeçarit drejt Sarandës.
Paraditen e së mërkurës pas një konflikti për dru zjarri, në një zonë të pyllëzuar në fshatin Zgërdhesh, Krujë, Keqi plagosi me armë zjarri 55 vjeçarin Luan Hushit i cili si pasojë e dëmtimeve të marra, humbi jetën në spital
40 vjecari rezulton me precedent te mëparshëm penal, pasi dhe ne 2010 u përfshi ne një konflikt me arme ku plagosi një bashkëfshatar. Edhe në atë rast keqi u arratis dhe u arrestua disa jave me vone ku vuajti dënimin për tentative vrasje.
Njoftimi i Policisë:
Në pranga edhe 2 shtetas të tjerë që e ndihmuan autorin e dyshuar, për të kaluar kufirin për në Greqi.
Shërbimet Operacionale të DVP Durrës dhe strukturat hetimore të Komisariatit të Policisë Krujë, pas 48 orë kërkimesh dhe ndjekjeje me metoda proaktive, nën drejtimin e Prokurorisë së Rrethit Gjyqësor Krujë, për lokalizimin dhe kapjen e autorit të vrasjes me armë zjarri të 55-vjeçarit, bënë të mundur që mbrëmjen e djeshme të lokalizonin në Konispol të Sarandës, autorin e dyshuar të ngjarjes.
Falë organizimit të operacionit policior të koduar “Horizonti”, i zhvilluar nga Forca e Posaçme Operacionale e DVP Durrës, në bashkëpunim me Komisariatin e Policisë Krujë, Komisariatin e Policisë Sarandë dhe Policinë Kufitare Sarandë, nën drejtimin e Prokurorisë pranë Gjykatës së Rrethit Gjyqësor Krujë, në Konispol të Sarandës, shërbimet e Policisë kapën dhe arrestuan shtetasin:
-K. K., 40 vjeç, për veprat penale “Vrasja” dhe “Mbajtja pa leje e armëve të zjarrit dhe municionit luftarak”.
Gjithashtu, shërbimet e policisë, së bashku me 40-vjeçarin, kapën dhe arrestuan në flagrancë, për veprën penale “Përkrahja e autorit të krimit”, edhe shtetasit: L. K., 25 vjeç dhe L. Gj., 30 vjeç, të cilët po shoqëronin dhe ndihmonin autorin e dyshuar për t’u larguar nëpërmjet kufirit të gjelbër për në shtetin grek.
Shtetasi K. K., më datë 10.08.2022, rreth orës 09:45, pas një konflikti për dru zjarri, në një zonë të pyllëzuar në fshatin Zgërdhesh, Krujë, plagosi me armë zjarri shtetasin L. H., i cili si pasojë e dëmtimeve të marra, humbi jetën në spital.
Grupi hetimor, nën drejtimin e Prokurorisë së Rrethit Gjyqësor Krujë, po vijon punën për dokumentimin e plotë ligjor të kësaj ngjarjeje.
Top Channel
