Emrat/ Revoltohen tre të paraburgosurit në Peqin, ushtrojnë dhunë ndaj policëve
04/08/2022 18:38
Mot i paqëndrueshëm dhe me reshje shiu! Temperaturat do shkojnë deri në 29 gradë 22/05 07:01
Një ngjarje e pazakontë ka ndodhur ditën e sotme në burgun e Peqinit ku tre persona të cilët ndodheshin në paraburgim, kanë dhunuar një polic.
Tre personat: Kastriot Likja, Arlind Daja dhe Kreshnik Ibraliu nuk i janë bindur urdhrave të efektivëve dhe në momentin që kanë hyrë policët për t’i ndaluar, ata i kanë goditur.
Njoftimi i plotë:
Më 4 gusht 2022 u arrestuan në flagrancë 3 shtetas të paraburgosur në IEVP Peqin:
Kastriot Likja për “Rebelimi i të dënuarve“ , “Goditje për shkak të detyrës ” , “Plagosje e lehtë me dashje” dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270,237,89 dhe 235 të Kodit Penal.
Arlind Daja për “Rebelimi i të dënuarve “dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270, dhe 235 të Kodit Penal .
Kreshnik Ibraliu për “Rebelimi i të dënuarve “dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270, dhe 235 të Kodit Penal.
Materialet i kaluan Prokurorisë Pranë Gjykatës së Shkallës së Parë Elbasan .
Top Channel
