Inxhinieri i ashensorit shtypet për vdekje teksa tentonte të nxirrte gruan e bllokuar në Siçili (fotot)
20/04 15:32
Gjiganti i karburanteve britanik BP ka raportuar fitimin më të madh tremujor për 14 vjet, pas rritjes së çmimeve të naftës dhe gazit.
Kompania e naftës dhe gazit tha se fitimet kishin mbërritur në 8.45 miliardë dollarë midis prillit dhe qershorit, më shumë se trefishi i shumës që bëri në të njëjtën periudhë të vitit të kaluar.
Kjo vjen pasi faturat tipike të energjisë shtëpiake janë parashikuar të arrijnë më shumë se 3600 paund në vit këtë dimër.
Fitimet e mëdha kanë nxitur thirrjet që qeveria të takojë më tej firmat për të ndihmuar familjet me faturat në rritje.
Fitimet e BP ishin të dytat më të larta për tremujorin e dytë në historinë e firmës dhe pasuan fitimet rekord nga rivali Shell dhe fitimet e mëdha nga Gas Centrica javën e kaluar.
Rritja e madhe e fitimeve për firmat është nxitur nga çmimet më të larta të naftës dhe gazit, të cilat janë rritur ndjeshëm për shkak të luftës në Ukrainë.
Në muajt e fundit, Rusia ka reduktuar furnizimet në Evropë pas pushtimit dhe frika po rritet se mund të mbyllë rubinetat krejtësisht.
Potenciali i problemeve të furnizimit me gaz ka çuar në rritjen e çmimit të shitjes me shumicë, gjë që ka bërë që firmat e energjisë t’i kalojnë këto kosto tek klientët, duke i rritur faturat e energjisë shtëpiake me shuma të paprecedentë.
Çmimet e larta të naftës kanë bërë që çmimi i benzinës dhe naftës të arrijë nivele rekord në pompa gjatë muajve të fundit, megjithëse çmimet kanë filluar të bien lehtësisht.
Top Channel
