FOTO/ Seanca e fundit stërvitore përpara ndeshjes me Çekinë, skuadrës dhe Sylvinhos i vjen për “vizitë”…
15/11 18:42
Tenisti serb Novak Djokovic fiton për herë të shtatë turneun e Britanisë së madhe, Wimbeldon.
Ai mundi në finale, 3 sete kundër një, tenistin Nick Kyrgios. Ky mund të quhet ndryshe dhe si turneu i Djokovic që nuk humb një ndeshje prej 4 vitesh në tokën me bar, 29 takime të fituara gjithsej.
Tenisti serb ishte favorit në këtë përballje dhe pse nuk e nis mirë takimin duke humbur setin e parë, por Djokovic shpejt rigjeti forcën dhe fitoi rresht tre setet e tjera, duke lodhur fizikisht por mbi të gjitha psikologjikisht kundërshtarin e tij.
Me këtë fitore, Djokovic kalon legjendën zviceriane të tenisit Roger Federer, duke koleksionuar 32 finale të grand slameve, kundër 31 të zvicerianit Federer.
Por me shumë gjasa Djokovic do humbë turneun e radhës Grand Slamin U.S Open që do të zhvillohet në SHBA, pasi nuk mund të udhëtojë sepse nuk është i vaksinuar kundër covidit. Dhe autoritetet amerikane nuk lejojnë asnjë person të hyjë në tokën e shteteve të bashkuar nëse nuk kanë marrë asnjë vaksinë.
Top Channel
