Fermerët britanikë rrethojnë konferencën e kryeministrit në Uells në protestë ndaj taksave të shtuara (fotot)
16/11 16:21
Presidenti turk Rexhep Tajip Erdogan tha sot se nuk do të takohet më me liderët grekë për përplasjet e fundit mbi ishujt dhe hapësirën ajrore në detin Egje.
“Ne nuk do të mbajmë më takime bilaterale me ta,” tha presidenti në një fjalim për grupin e tij parlamentar në Ankara.
“Ne kishim një marrëveshje të këshillit të lartë strategjik me Greqinë, por njoftova dje ministrin e jashtëm se nuk i qëndrojmë më kësaj marrëveshjeje”, shtoi Erdogan.
Marrëveshja e vitit 2010 mes Turqisë e Greqisë garantonte takime të rregullta të nivelit të lartë për zhvillimin e bashkëpunimit mes dy vendeve.
Sot duke iu referuar kryeministrit grek Kiriakos Mitsotakis, por pa i përmendur emrin, Erdogan tha: “Ai shkon në SHBA dhe bën komente kundër nesh para Kongresit. Kjo mbaron këtu”.
Turqia ka intensifikuar kritikat e saj ndaj Greqisë që kur Mitsotakis tha muajin e kaluar në Uashington se fluturimet mbi ishujt grekë nga Turqia janë “akt i hapur agresioni”.
Mitsotakis shtonte se këto ndërhyrje shkelin të drejtat territoriale greke, duke përkeqësuar lidhjet mes dy aleatëve të sikletshëm të aleancës së NATOs.
Mediat turke e interpretonin fjalën e kryeministrit grek si një tirrje për të mos i dhënë Turqisë avionët F-16 të kërkuar prej kohësh.
Mitsotakis tha kësaj jave se nuk do të përfshihej në “ping-pong” personal replikash me Erdogan.
“Turqia është ajo që po na kërcënon,” tha greku për gazetarët në Bruksel duke shtuar se Ankaraja “po shpërdoron mundësinë për përmirësimin e lidhjeve”.
Top Channel
