Zyrtarisht nuk ka të dhëna se sa është sipërfaqja pyjore e humbur nga pyjet natyrorë të Lurës, por këto pamje të marra nga google earth tregojnë përmasat e masakrës që ka përjetuar ajo pasuri kombëtare.
Aktualisht në këtë zonë nuk ka më prerje, pasi nuk ka mbetur më asgjë për tu prerë.
“Në krye të këtij krimi qëndron shkatërrimi i parkut kombëtar të Lurës sepse Lura ka vlera të veçanta biodiversiteti dhe u shkatërrua përfundimisht. De jure mund të jetë park kombëtar por de facto nuk është më” u shpreh Mehmet Meta , Ekspert mjedisi
Edhe pse në Lurë është bërë një shkatërrim barbar, deri më sot nuk ka asnjë lloj angazhimi serioz për rehabilitimin e saj. As nga agjencia kombëtare e zonave të mbrojtura dhe as nga ministria e mjedisit. Madje ato i referohen vizitës së Ramës në Lurë përgjatë 2018-ës, që megjithëse kishte përballë malet e masakruara, nuk tha asnjë fjalë për pyjet…
“Pyjet në Shqipëri ka tre dekada që po zhduken dhe ne rrimë e vështrojmë. Ke qeveritarë e deputete që bëjnë mitingje nëpër komuna e bashki e shohin shkatërirmin e pyjeve afër dhe nuk hedhin sytë. Ashtu siç qenë kreministri rama në jë takim në Lurë, që aty është bërë një krim botëror, beri takim në fushatë poshtë parkut të Lurës dhe Lura përballë e shkatërruar dhe dy fjalë nuk i tha për Lurën” u shpreh Mehmet Meta , Ekspert mjedisi
Në Lurë janë eksperimentuar edhe thuajse të gjitha nismat e pyllëzimeve. Më pompozja ishte ajo e udhëhequr nga ish ministri i mjedisit Lefter Koka, në vitin 2014. Projekti parashikonte mbjelljen e 2 mln fidanëve dhe rehabilitimin e rrugës, ndriçimin e saj deri lart tek liqenet.
“Projekti fillon me rehabilitimin e 20 km rrugë për ta bërë udhëtimin e çdo vizitori, të qetë dhe të sigurtë…. Do të fillojë ripyllëzimi i Parkut Kombëtar gjatë të cilit do të mbillen 2 milionë fidanë. Rehabilitimi do të përfshijë edhe peisazhin natyror të 7 Liqeneve të Lurës. Liqenit të Luleve do t’i kthehet pamja e dikurshme duke rehabilituar pasqyrën ujore të tij”. Lefter koka më 2014
Premtimi u bë sërish edhe nga kryeministri Rama në 2018-ën.
Por, edhe pas 8 vitesh aty nuk ka gjurmë as të rrugës së re e as të fidanëve të mbjellë.
Këto janë pamjet e Lurës gjatë muajit Maj 2022. Siç edhe e shikoni tek tuk ka mbirë ndonjë fidan, por ekspertët thonë se ato mund të kenë mbirë edhe në mënyrë natyrale dhe shumë larg premtimit për 2 mln fidanë
“Ashtu siç është mbjellë në Lurë një parcel me 400 mijë fidanë dhe është bërë jë gjë që Nuk vlen asgjë, pasi janë marrë fidanë nga vende të tjera siç është Hollanda dhe janë tharë të gjitha” Mehmet Meta, Ekspert mjedisi
“Ndoshta janë mbjellë por nuk ka pasur efektivitet. Nuk janë mbjellë lloje që shkojnë me zonë , dhe patjetër shumica e tyre dështuar, shumica e tyre janë tharë dhe Lura ëhstë sërish e zhveshur” Genti Kromidha, Instituti për ruajtjen e natyrës
Top Channel
