Të tjera detaje kanë dalë nga aksidenti i rëndë i ndodhur mesditën e sotme në Tiranë, ku si pasojë e një aksidenti mbeti i plagosur një çift, së bashku me foshnjën e tyre 3-muajshe.
Mësohet se në momentin e aksidentit, mjeti luksoz i tipit “G Class” me drejtues Ajas Sulejmeni, 39 vjeç, ka qenë me shpejtësi mbi 100 kilometra në orë ne vijat e bardha, teksa semafori ishte me të kuq.
Çifti, që për dore kishin karrocën me foshnjën e tyre, ishin duke zbatuar të gjitha rregullat, pasi ishin në vija të bardha dhe me semaforin që iu jepte përparësi.
Si pasojë e përplasjes së rëndë, të tre përfunduan në spital, por ende nuk dihet gjendja e tyre shëndetësore.
Top Channel
