Përmbaruesi Fatos Alimadhi që u arrrestua për shpërdorim detyre nga policia, është vëllai i ish-deputetit Adriatik Alimadhi.
54-vjeçari ra në prangat e policisë nga operacioni “Account”, pasi akuzohet se ka shpërdoruar detyrën në firmën ku punonte.
Bashkë me dy të tjerë që janë marrë nën hetim, Alimadhi firmoste shkresa për bllokimin e llogarive, pa njoftuar subjektin.
Një person ka marrë kredi në emër të një subjekti dhe pas disa kohësh ka ndërruar jetë, ndërsa Alimadhi bllokonte llogaritë familjarëve të të ndjerit, pa i lajmëruar ata.
Çfarë ka ndodhur 5 vite më parë
Edhe në vitin 2017, Gjykata e Tiranës e shpalli fajtor për akuzën e mashtrimit me pasoja të rënda Fatos Alimadhin, duke e dënuar me 10 vite burgim. Asokohe, akuzohej se duke shfrytëzuar detyrën e tij si përmbarues privat, ka përvetësuar në mënyrë të jashtëligjshme shuma të konsiderueshme parash, të cilat përllogariten në rreth 4,5 milionë lekë të reja.
Alimadhi pasi ekzekutonte vendimet e gjykatave që i jepnin të drejtën e dëmshpërblimit nga kompanitë siguruese të personave të aksidentuar, vlerën e caktuar nuk e kalonte në llogarinë e klientit, por e mbante për vete.
Top Channel
