Një aksident tragjik ndodhi në Rovigo të Italisë, me pasojë vdekjen e një 24-vjeçareje shqiptare.
Makina tip “Volkswagen” me të cilën udhëtonte Diana Galicaj doli nga rruga dhe përfundoi pranë një shtëpie në Castelmassa.
Vajza jetonte në Badia Polesine dhe punonte në Amazon në Castelguglielmo, sipas medias italiane.
Aksidenti fatal ndodhi natën e 13 prillit rreth orës 22:00 në zonën komunale të Castelmassa, ndërsa e reja humbi kontrollin.
Forcat mbërritën në vendngjarje, por makina e përmbysur e kishte shtypur trupin e vajzës, e cila u nxor e pajetë pas tre orësh përpjekje.
Nuk dihet ende shkaku i aksidentit, ndërsa trupi i pajetë i saj u është dorëzuar familjarëve.
Top Channel
