Akuzohet për abuzime, arrestohet ish-zëvendësministri i Kilit! 59-vjeçari… 15/11 22:46
Në oborrin e një shkolle në qytetin ukrainas të pushtuar nga rusët, atë të Volnovakha, fëmijët dëgjojnë himnin e Rusisë para se të futen në mësim.
Kjo është panorama e parë që ofron jeta e re për civilët nën ndikimin rus.
Ushtria duket se nuk i lë asgjë rastësisë, edhe pse nuk ka asnjë shenjë rezistenceje nga banorët, tanket dhe mjetet e tjera ushtarake me shenjën Z të stampuar, lëvizin gjatë gjithë kohës për të ndjekur veprimet e civilëve.
Volnovakha nuk ka elektricitet dhe linjat telefonike gjithashtu janë jashtë funksionit, gazetarët e AFP i janë bashkuar një turi të organizuar nga ushtria ruse,
Bombardimet e shumta kanë shkatërruar shtëpitë, kafenetë, dyqanet, prova me e qartë se luftimet kane qenë të ashpra për qytetin e vendosur mes rajonit të Donetsk dhe qytetit port të Mariupol. Siç thotë Rusia, Volnovakha tani është “çliruar” nga ukrainasit neonazistë.
“Është koha për të mësuar. Nxitoni, fëmijë!” Lajmëron një vajzë e vogël duke folur në mikrofon.
Pas saj, stafi i shkollës qëndron pranë një flamuri rus dhe atij të Republikës Popullore separatiste të Donetskut.
Aty pranë një ushtar, qëndron duke parë, duke mbajtur një automatik.
“Rusia, shteti ynë i shenjtë, Rusia, vendi ynë i dashur”, dëgjohet të nisë himni rus, ndërsa Stafi dhe nxënësit qëndrojnë të heshtur , pa mundësi të tjera për të vepruar ndryshe.
Top Channel
