Tripletë “në shkretëtirë”, Egnatia rrëmben Superkupën ndaj Kukësit në një stadium… bosh 26/12 20:57
I zoti krenar i rreth 3,000 bluzave të futbollit, tifozi turk Abdulkadir Cengiz ka një nga koleksionet më të mëdha në botë të këtij lloji.
Pasi mori bluzën e tij të parë të skuadrës së zemrës Sakaryaspor, në veri të Turqisë në 1985, Cengiz ka mbledhur vazhdimisht veshjet sportive, të cilat i shfaq në vendin ku punon.
Duke folur me rrjetin vendas Anadolu, Cengiz thotë se ka nisur të grumbullojë fanellat e skuadrave të ndryshme që kur ka qenë fëmijë, ndërsa skuadra e tij e preferuar është Sakaryaspor.
“Unë i mblidhja bluzat duke shkuar nëpër ndeshje, nganjëherë duke i kërkuar futbollistëve të m’i jepnin. Por më përpara bluzat bëheshin vetëm për ndeshjen dhe ishte e vështirë t’i merrje”.
Por i patundur nga pasioni i tij Cengiz thotë se vijonte të shtonte bluza futbolli në koleksionin e tij, të cilin shpreson të zgjerojë në 5,000 copë.
45-vjeçari thotë se kërkon një vend më të madh për të shfaqur koleksionin e tij.
Cengiz thotë se kërkon të shfaqë secilën nga bluzat e tij, duke i organizuar në ndarje të veçanta për skuadrat evropiane, aziatike, turke dhe të Lindjes së Mesme.
Top Channel
