Arrihet marrëveshja për mos mbylljen TikTok në SHBA, akordi mund të nënshkruhen të enjten nga Trump dhe Xi Jinping 27/10 23:00
Rusia është duke dërguar furnizime me gjak bashkë me materiale të tjera mjekësore në afërsi të kufirit me Ukrainën, të cilat do të lejonin trajtimin e personave të mundshëm të lënduar; pohuan tre zyrtarë amerikanë për Reuters.
Sipas tyre, tregues të tillë konkretë siç është lëvizja e rezervave të gjakut, duhen konsideruar si kritike në përcaktimin nëse Moska po përgatitet vërtet për një pushtim të vendit fqinj. Frika e një luftë sa vjen e shtohen, ndërsa duket se Rusia po i përforcon edhe me ushtarë të tjerë 100 mijë trupat e grumbulluar tashmë në kufi.
Presidenti amerikan Joe Biden e konsideron të mundshëm një sulm rus mbi Ukrainë, madje tha se ai ka gjasa të ndodhë në muajin shkurt, kur toka “të ngrijë” çka do t’i lejonte Moskës lëvizjen e pajisjeve të saj të rënda ushtarake. Pentagoni e ka pranuar më parë vendosjen e “mbështetjes mjekësore” si pjesë të grumbullimit të Rusisë.
Por zbulimi i furnizimeve me gjak është një detaj i ri që dëshmon nivelin e gatishmërisë ushtarake ruse. Lideri radikal serb, Vojisllav Sheshel sakaq thotë se Moska duhet të parandalojë me çdo kusht Ukrainën, Gjeorgjinë dhe Moldavinë të bëhen anëtarë të NATO-s, dhe nuk duhet të lejojë që Luhansku dhe Donjecku të bien.
Sheshel shtoi se amerikanët do të shkonin në luftë me Rusinë deri në ukrainasin e fundit.
“Ukrainasit do kthehen në mish për top, por shpresoj se do të ndërgjegjësohen”, u shpreh ai.
Top Channel
