Plagosje me armë pas konfliktit në Vlorë/ Qëllohet me dy plumba në dorë 36-vjeçari
05/01/2022 19:27
Parashikimi i motit/ E premte me diell, temperatura deri 31 gradë C 17/05 07:02
Një 36-vjeçar ka mbetur i plagosur me armë zjarri në lagjen “Pavarësia” në Vlorë këtë të mërkurë, pas një konflikti të ndodhur në afërsi të një marketi.
Personi që mbeti i plagosur me dy plumba në dorë është identifikuar si Diego Hanaj.
Ai është dërguar në spital, ku po merr edhe kujdesin e duhur mjekësor në spitalin e Vlorës dhe ndodhet jashtë rrezikut për jetën.
Sipas policisë ngjarja ka ndodhur para pallatit ku banonte 36-vjeçari, ndërsa nuk dihet shkaku i konfliktit që degradoi deri në përdorimin e armës.
“Në lagjen “Pavarësia”, para pallatit te tij, dyshohet se është plagosur në dorë, me armë zjarri shtetasi D. H, 36 vjeç, i cili ndodhet jashtë rrezikut për jetën në Spitalin e Vlorës. Shërbimet e Policisë po krehin zonën për të bëre të mundur kapjen e autorit. Ndërkohe grupi hetimor ndodhet në vendngjarje dhe po punon për sqarimin e rrethanave të ngjarjes”, sipas policisë.
Policia ka blinduar zonën dhe po punon për të kapur autorin ose autorët e përfshirë në këtë ngjarje.
Top Channel
