Kanosje ndaj ish gruas dhe drejtim mjeti në gjendje të dehur e patentë, pranga 3 personave në Lezhë

Policia e Lezhës ka vënë nën pranga 3 persona për vepra të ndryshme penale.

Një 43-vjeçar është vënë nën pranga pasi ka kanosur bashkëshorten e tij edhe pse kjo e fundit ishte e pajisur me urdhër mbrojtje.

Një i ri është kapur në flangrancë nga policia duke drejtuar mjetin pa leje drejtimi, ndërsa një 36-vjeçar është kapur duke drejtuar mjetin në gjendje të dehur, ndërsa të dy nuk i janë bindur urdhrit të policisë për të ndaluar.

“Specialistët e Hetimit të Krimit në Komisariatin e Policisë Lezhë arrestuan në flagrancë shtetasin M. M., 43 vjeç, banues në Barbullojë, Lezhë, pasi në kundërshtim me vendimin e Gjykatës, ka kanosur bashkëshorten e tij, e cila është e pajisur me urdhër mbrojtje.

Nga specialistët e Qarkullimit Rrugor u bë arrestimi në flagrancë i shtetasit K. Gj., 21 vjeç, banues në Ishull Lezhë, pasi në Kune, Shëngjin, është kapur nga shërbimet e Policisë, duke drejtuar mjetin tip “Benz”, pa leje drejtimi, si dhe nuk i është bindur urdhrit të punonjësit të Policisë, për të ndaluar.

Po nga specialistët e Qarkullimit Rrugor u bë arrestimi në flagrancë i shtetasit P. L., 36 vjeç, banues në Lezhë, pasi në qytet Lezhë, është kapur nga shërbimet e Policisë, duke drejtuar mjetin tip “Ford”, në gjendje të dehur, si dhe nuk i është bindur urdhrit të punonjësit të Policisë, për të ndaluar”, njofton policia.

Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme.

Top Channel