Një aksident ka ndodhur në aksin rrugor Lezhë-Mamurras, në afërsi të mbikalimit të Patokut.
Policia njofton se një makinë ka përplasur një patrullë të Policisë Rrugore dhe për pasojë ka marrë dëmtime të lehta efektivi Alban Tafili, 31-vjeç.
Aktualisht ai ndodhet për mjekim në urgjencën e Laçit, por pritet të dalë nga spitali dhe të japë sqarime për ngjarjen.
“Në aksin rrugor Lezhë-Mamurras, në afërsi të mbikalimit të Patokut, automjeti me drejtues shtetasin Gj.B., është përplasur me mjetin e Policisë Rrugore Lezhë, ku si pasojë ka marrë dëmtime të lehta punonjësi i Policisë shtetasi A.T”, bën me dije policia.
Grupi hetimor, nën drejtimin e Prokurorisë ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Top Channel
