Atentati ndaj biznesmenit dhe ish-policit Xhelal Reçit ditën e djeshme vijon të mbetet pa autor.
Policia e Kurbinit pasi ka bërë krehjen e zonës ku ka ndodhur atentati dhe kqyrjen e makinës e cila u përdor nga autorët nuk kanë mundur të gjejnë prova për identitetin e atentatorëve.
Në komisariatin e Kurbinit janë shoqëruar disa persona ndër to dhe familjarë për të dhënë dëshmitë e tyre nëse mund të kenë patur konflikte kohët e fundit duke hedhur dritë mbi ngjarjen e djeshme.
Grupi hetimor vazhdon hetimet për identifikimin e autorëve përmes kamerave të sigurisë ku mesa duket janë të vetmet prova për zbardhjen e atentatit ndaj biznesmenit dhe ish-policit Reçi.
Top Channel
