Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një studente për doktoreshë është qëlluar për vdekje nga i fejuari i saj xheloz, disa javë pasi ai i kishte propozuar gjatë pushimeve romantike.
23 vjeçarja Ana Fantaziu, u qëllua për vdekje në shtëpinë e familjes kur i fejuari nisi të konfliktohej me prindërit e saj dhe nxorri armën.
28 vjeçari Roman Vlasă, kishte ardhur për të takuar vjehrrit e tij në Moldavi në 12 shtator, por vizita përfundoi me vrasjen e të fejuarës, para se ai të kthente armën nga vetja.
Babai i vajzës së re tha se kishte pasur një debat mes familjes dhe Vlasă, i cili përshkruhej si “xheloz” nga miqtë e tij.
Babai i Ana kishte dalë nga shtëpia për të kërkuar ndihmë kur dhëndri i tyre i ardhshëm po i kërcënonte me armë. Por më pas dëgjoi dy të shtëna.
Policia gjeti më pas trupat e studentes së infermierisë dhe të të fejuarit të saj në shtëpinë familjare në fshatin moldav të Fundul Galbenei.
Çifti njiheshin prej dy vjetësh para se të fejoheshin.
Një mike i tyre tha: “Ata kishin pasur një marrëdhënie të bukur. Kishin qenë kohët e fundit për pushime në Rumani dhe aty i kishte propozuar për martesë.
“Në martesën time ajo kishte pritur buqetën e luleve.”
Ndërsa infermierja Maria Buzu, shtonte: “Ata kishin një marrëdhënie të bukur por ai ishte shumë xheloz. Ne e kishim diskutuar këtë. Ajo ishte një vajzë e jashtëzakonshme, donte të bëhej doktoreshë, e donte shumë punën e saj”.
Policia konfirmoi detajet dhe thotë se po heton për tragjedinë.
Top Channel
