Analiza e REL: Pse BE-ja s’i sanksionon politikanët e korruptuar? 23/04 09:13
Korea e Veriut ka mbajtur dje një paradë ushtarake pas muzgu, ku personeli ishte veshur me kostume anti-virale dhe në vend të raketave, mjetet kryesore ishin traktorët e zjarrfikësat.
Në celebrimet e 73 vjetorit të pavarësisë me profil disi me te ulet se zakonisht, kishte gjithashtu kuadrate me personel anti-epidemi në kostume portokalli, në shenjë të përpjekjeve të vendit kundër koronavirusit.
Ndërsa vetë Kim Jong Un pas humbjes sensacionale në peshë të kohëve të fundit, u takua pa maskë me qytetarët dhe përqafonte fëmijët në eventin madhor të mesnatës.
Autokolonat e mjeteve të parandalimit epidemik ishin pjesë krenare e parakalimeve patriotike, për t’i treguar botës avantazhet e sistemit socialist, tha agjencia shtetërore KCNA.
Në paradë shfaqeshin gjithashtu njësi të ministrisë së hekurudhave, të impjanteve të fertilizuesve apo të linjave ajrore.
Studentë me pushkë në duar, apo para-ushtarakë me mjete të mekanizuara, gjithashtu marshonin në sheshin qendror te Penian.
Në shfaqje ishin disa armatime konvencionale si raketa lëshues dhe traktorë me raketa anti-tank.
Parada nuk kishte raketa të rënda balistike, në ndryshim nga ajo e tetorit të shkuar.
Në vend të raketave të frikshme që zakonisht mbyllin paradën, në të marshuan njësitë e sigurisë publike dhe të zjarrfikësave.
Top Channel
