Një banesë ka marrë flakë në lagjen “Partizani” të Vlorës. Si pasojë e flakëve raportohet vetëm për dëme materiale, ndërkohë që nuk ka persona të lënduar.
Në një prononcim për mediat e zonja e shtëpisë thotë se banesën e ka djegur djali i saj i cili është i alkoolizuar.
59-vjeçarja me iniciale D.M tregon se edhe është rrahur nga i biri, ndërkohë që bën apel për ndihmë pasi nuk ka të ardhura që të blejë orenditë që i janë shkrumbuar. Ajo jetonte e vetme pasi burri i është ndarë nga jeta në mënyrë tragjikë pasi ishte vetëvarur.
“Mua nuk më ka mbushur burri 6 muaj akoma që ka vdekur, mu var se kaloi depresion, ishte i sëmurë, jam martuar 16 vjeç, burri 21, s’kishte parë ndonjëherë sëmundje, nga frika se ai mu var vajta tek djali. Unë ika, e di ç’ke më tha ik në shtëpinë tënde. Unë erdha në shtëpi. Çupa më tha mami hajde në shtëpi, u ktheva prapë ndenja dhe dytë mora jo çarçafë, jo këllëfë. ai para disa ditësh erdhi, kisha djalin e vëllait këtu 18 vjeç, bëtë muhabet i qetë dhe më qëlloi mua. Më tha pse e mban këtë këtu. Djali pi, atë ditë që më rrahu nuk kishte pirë. Më tha vajza ik nga shtëpia se po vjen Klodi i pirë. Djali u fut brenda. Unë kisha divane, çarçafë. unë jam grua pa burrë, çunat dhe çupa janë në shtëpi të vet. Jam me ilaçe jam me tension, i mblodha lekët dhe shkova i pagova dritat”, tha gruaja.
Top Channel
