Kandidati prorus prin në zgjedhjet presidenciale në Rumani 25/11 08:36
3-vjeçari kishte qenë në bordin e një varke me 14 emigrantë nga Siria në kohën e luftës, pesë prej të cilëve humbën jetën kur u fundos.
Turqia shënoi dje me një ceremoni modeste, gjashtë vjetorin që kur trupi i vogëlushit 3-vjeçar sirian Aylan Kurdi doli në breg, në tragjedinë reflektuese të krizës së rëndë humanitare të Sirisë, e cila mbushi titujt botërorë dhe duke u bërë simbol i luftës mizore, raporton rrjeti turk Anadolu (AA).
Vogëlushi kishte qenë në bordin e një varke që mbante 14 emigrantë të parregullt, pesë prej të cilëve humbën jetën kur u fundos.
Një shërbim përkujtimor u mbajt në plazhin Fener Burnu, ku trupi i tij u gjet nga popullata vendase në qytetin mesdhetar të Turqisë, Bodrum, më 2 shtator.
Duke folur për AA gjatë memorialit këtë vit, Omer Sarikaya, regjizor i filmit për Aylan, tha se ajo që ndodhi ishte turpi i njerëzimit dhe organizuan shërbimin përkujtimor në mënyrë që bota ta shohë këtë turp.
Sipas tij, asgjë nuk ka ndryshuar që atëherë.
“Për mua, ky është turpi i OKB-së. Mijëra, ndoshta dhjetëra mijëra foshnja si Aylan për fat të keq kanë humbur jetën në këto dete që nga ajo ditë. Shpresojmë që bota të mos e mbyllë syrin për këtë dhe diçka e tillë të mos ndodhë kurrë më”, tha Sarikaya.
Siria është shkatërruar nga një luftë civile që nga fillimi i vitit 2011, kur pas disa protestave anti-qeveritare vendi u kthye ne fushëbetejen e fuqive te mëdha, pro dhe kundër presidentit Bashar al Assad.
Qindra mijëra persona janë vrarë dhe më shumë se 10 milionë janë zhvendosur, sipas vlerësimeve të OKB.
Top Channel
