Gjermania “lodhet” nga ukrainasit/ Nëse fitojnë zgjedhjet, konservatorët do shkurtojnë ndihmat për 1.2 milionë refugjatë
25/11 13:30
Amrulah Saleh, 48-vjeç, i cili e shpalli veten nënpresident të Afganistanit, pasi presidenti Ashraf Ghani u largua nga vendi, tha se nuk do të dorëzohej kurrë te talebanët, qeverinë e të cilëve nuk e njeh.
Ghani u largua nga Kabuli disa orë para se talebanët të merrnin nën kontroll kryeqytetin pa luftë më 15 gusht, dhe Saleh shkoi në provincën Panshir dhe dy ditë më vonë u deklarua si pasardhës legjitim i Ghani.
Me mbështetjen e djalit të heroit kombëtar Ahmad Shah Masood, i cili u vra 20 vjet më parë, Saleh tani përdor luginën në Panshir si bazë nga e cila organizon një lëvizje rezistence kundër islamikëve nga Kabuli, raporton “Spiegel”.
Në të njëjtën kohë, bisedimet janë duke u zhvilluar në Kabul midis anëtarëve të ish-qeverisë dhe talebanëve.
Saleh i dërgoi një letër gazetares së Spiegel, Susan Kelble përmes aplikacionit Whatsapp për “arsye sigurie”, sepse telefonatat, siç tha ai, janë shumë të rrezikshme, duke pasur parasysh që ato mund të gjurmohen.
Në tre faqe, Saleh shikon përmbysjen e qeverisë së Ghanit dhe parashikon rënien e talebanëve, duke e quajtur Amerikën “naive”.
“Gjeografikisht, ne jemi të izoluar, por Afganistani është me ne politikisht dhe moralisht. Talebanët kurrë nuk besuan në një marrëveshje politike. Ata përfituan nga naiviteti, dobësia dhe dritëshkurtësia e Shtëpisë së Bardhë nën Donald Trump dhe Joseph Biden”, ka shkruar Saleh.
Top Channel
