Tragjedia me 5 viktima në prag Krishtlindjesh, rritet zemërimi i gjermanëve ndaj emigrantëve 23/12 08:31
Një luftë elefantësh ka ndodhur para qendrës së vizitorëve në Parkun Kombëtar Khao Yai në Tajlandë. Turistët panë elefantin mashkull që sulmoi një skulpturë gjigante në këtë park, pasi e ngatërroi me një konkurrent për dashurinë e femrës.
Elefanti shihej që i ngulte vështrimin punimit artistik para se ta rrëzonte duke e goditur në anë. Një nga dhëmbët e modelit dëgjohet që thyhet teksa godet tokën.
Duke besuar se doli fitimtar ndaj skulpturës, elefanti largohet me triumf. Zyrtari i parkut Ple Srichai tha se elefanti e ngatërroi skulpturën me një tjetër mashkull që mund të kërcënonte të drejtën e tij të çiftimit.
“M’u duk qesharake sesi elefanti i egër tentonte të sulmonte statujën. Elefantët meshkuj luftojnë për femrat prandaj nëse besonte se ishte një elefant i vërtetë ai duhet të tregonte dominimin e tij mbi të”, tha ai.
Disa nga spektatorët lëshuan klithma kur mashkulli rrëzoi statujën, e cila u largua më pas për riparime nga zyrtarët e parkut.
Asnjë nuk raportohet se u lëndua në incident dhe zyrtarët thanë se po e transferojnë skulpturën në një tjetër pjesë të parkut, për të evituar të ndodhin sulme të ngjashme.
Rreth 2.000 elefantë besohet se jetojnë në xhunglat e Tailandës dhe një numër i ngjashëm në parqe të mbyllura të vendit.
Top Channel
