Pas revoltës së bizneseve në Lungomare janë shënuar incidentet e para mes administratorëve të lokaleve dhe Policisë së Shtetit.
Ata kane vendosur kolonën zanore të dashur për shqiptarët, pas orës 22:00, orari i caktuar nga Komiteti Teknik, për të lejuar muzikën në lokale.
Ndërkohë forca të shumta policie kanë mbërritur në Lungomaren e Vlorës me qëllim monitorimin e respektimit të orës policore nga ana e bizneseve. Disa prej pronarëve të bizneseve kanë refuzuar ta mbyllin aktivitetin e tyre dhe janë përplasur me efektivët.
Siç mund të shihet edhe në pamjet e siguruara nga gazetari i Top Channel, shihet momenti kur policia shoqëron dhe tërheq me forcë për ta futur në furgon administratoren e një restoranti në Lungomare.
Kjo ngjarje ka ndodhur vetëm pak momente më parë dhe madje ka terrorizuar edhe turistët në atë zonë, por edhe kalimtarët e rastit.
Kjo nismë tregon se bizneset në Vlorë kërkojnë pavarësinë nga masat anticovid që po ju marrin frymën si dhe kërkojnë pavarësinë te ushtrojnë aktivitetin pa kufizime në sezonin veror.
Top Channel
