Autizmi flet, jep dhe kërkon dashuri! Në Durrës jepet koncerti me talente të ndryshëm të fëmijëve të spektrit autik
19/04 15:43
Biblioteka Kombëtare e Shqipërisë, në 60-vjetorin e ndarjes nga jeta së një prej figurave më të shquara të kulturës shqiptare, Aleksandër Xhuvani, ka çelur ekspozitën me disa nga botimet dhe studimet e tij më të rëndësishme.
Duke sjellë në vëmendje të publikut kontributin e tij të jashtëzakonshëm, në fushën e arsimit dhe të gjuhës shqipe.
Kjo ekspozitë sjell nga shkrimet dhe redaktimet e para në revistat shqiptare si: “Albania”, “Shkreptima”, “Kopshti letrar”, etj., deri te veprat shkencore si: “Fillime të pedagogjisë” “Kritikë mbi fjalorë të shqipes” “Historia e letrësisë greke klasike”, “Studime gjuhësore” “si dhe tekstet e vyera mësimore: “Abetare”.
Aleksandër Xhuvani, lindi në Elbasan, ku mori mësimet e para. Studimet e larta filologjike i kreu në Universitetin e Athinës. Punoi në shkollën e parë të mesme kombëtare, në Normalen e Elbasanit, si mësues dhe si drejtor i saj.
Aleksandër Xhuvani ka hartuar një sërë tekstesh shkollore për sintaksën, për historinë e letërsisë shqipe, për letërsinë klasike greke, për stilistikën, për letërsinë arbëreshe, etj. Veprimtaria e tij shkencore u përqendrua në fushën e gjuhësisë: njësimi i gjuhës letrare dhe pastërtia e gjuhës, gramatikë, leksikologji e leksikografi, fjalëformim etj.
Ai qe njohësi më i mirë i visarit leksikor të gjuhës shqipe dhe mblodhi me shumë durim e pasion nga goja e populli shumë fjalë e shprehje.
Në fondet e Bibliotekës Kombëtare ruhen me shumë kujdes rreth 50 botime shkencore si dhe një sërë veprash studimore mbi krijimtarinë dhe kontributin e jashtëzakonshëm të kësaj figure të shquar të kulturës kombëtare.
Top Channel
