VIDEO/ Momenti i frikshëm kur një transgjinor përpiqet të rrëmbejë fëmijët në një shkollë fillore me batanije 02/05 09:57
Një tragjedi në kufijtë e të pabesueshmes godet botën e sportit. 21 vrapues humbën jetën nga i ftohti gjatë një maratone prej 100 kilometrash në Pyllin e Gurit të Lumit të Verdhë, pra në mal, garë e nisur të shtunën në mëngjes në provincën e Gansu, në veri të Kinës.
Bëhet fjalë për tragjedinë më të madhe që godet botën e maratonave të gjata.
Mes atletëve të vdekur edhe sportisti elitar Jing Liang, 31 vjecar që kishte triumfuar në 3 edicionet e mëparshme të garës prestigjioze në vendin aziatik. Gara ku morën pjesë 172 atletë, u ndërpre pasi disa prej tyre shfaqën shenja të hipotermisë dhe probleme fizike, si pasojë e uljes së vazhdueshme të temperaturave deri në zero gradë celcius, ndërkohë që sportistët ishin me veshje të lehta.
Por pastaj, pasi pushoi shiu i akullt dhe stuhitë që goditët zonën, në pasdite disa prej sportistëve rezultuan të humbur. Vetëm në mëngjesin e së dielës, skuadrat e ndihmës së shpejtë, ku u aktivizuan mbi 700 persona gjatë gjithë natës, konfirmuan vdekjen e 21 sportistëve. 151 të tjerët janë të sigurt, jashtë rrezikut për jetën, vetëm 8 prej atyre kanë pësuar dëme të lehta për të cilat kanë marrë ndihmën mjekësore por janë në gjendje të stabilizuar.
Top Channel
