Polonia, e gatshme të kthejë në Kiev ukrainasit që të shërbejnë në ushtri 24/04 22:47
Më shumë se 90 persona janë të zhdukur pasi një anije pranë brigjeve të qytetit të Mumbait, në Indi, u mbyt në kushtet e një cikloni të ashpër.
Marina indiane tha se kishte shpëtuar 177 persona nga 270 që ndodheshin në bord dhe se përpjekjet për të gjetur të tjerë të mbijetuar po vijonin. Tre anije të tjera komerciale, me rreth 700 persona në bord, ishin bllokuar në det në mesin e ciklonit Tauktae, që është përplasur mbi bregun perëndimor të Indisë.
Tauktae u dobësua pasi preku tokë të hënën, por të paktën 12 vetë kanë humbur jetën në stuhi.
Anija e mbytur, në pronën e indianes Oil and Natural Gas Corporation, mbante në bord personel të dislokuar për shpime në det. Kur stuhia goditi, anija nuk mund të kontrollohej më.
Një zëdhënës i marinës indiane tha se ishin silokuar tre luftanije për të shpëtuar të mbijetuarit si edhe tre anijet e bllokuara komerciale. Dy prej tyre janë pranë brigjeve të mumbait ndërsa e treta është pranë Gujaratit.
Fillimisht i klasifikuar si shumë i ashpër, cikloni preku tokën në shtetin Gujarat të hënën vonë me erëra që kapnin shpejtësinë e 160 km në orë. Ajo për pak e kurseu Mumbain, por anijet në det nuk mundën të ktheheshin në port në kohë.
Era ka rrënuar zonat bregdetare në shtetin perëndimor Gujarat, duke shkulur shtylla elektrike dhe pemë me rrënjë. Rreth 200 mijë njerëz u evakuuan në disa shtete ndërsa cikloni afrohej duke sjellë me vete shira të rrëmbyeshëm dhe erëra të forta. Stuhia e goditi rajonin në mesin e një vale të dytë vdekjeprurëse të koronavirusit që ka gjunjëzuar vendin.
FOTO GALERI
2/4
MUMBAI, INDIA - MAY 17: Fishermen pull their boats in the wake of Cyclone Tauktae at Worli village on May 17, 2021 in Mumbai, India. The cyclonic storm Tauktae formed over the Arabian Sea, which intensified into a very severe cyclonic storm by Monday morning, caused gusty winds and heavy rains in Mumbai. Strong winds with speed upto 90-100 km/hr were recorded across Mumbai and north Konkan.. Several incidents of uprooted trees and collapsed buildings were reported from the city. Thousands of people were evacuated from the coastal region as a precautionary measure. Raigad district is on red alert while Mumbai, Thane and Palghar districts are on orange alert. (Photo by Anshuman Poyrekar/Hindustan Times via Getty Images)
Top Channel
