Kufiri mes Greqisë dhe Shqipërisë do vazhdoj të konsiderohet i mbyllur, dhe si pasojë nuk lejohet asnjë lidhje me linja taktike qoftë tokësore, qoftë detare.
Autobusët, mini van, makina me targa shqiptare dhe anije e kanë të ndaluar të hyjnë në Greqi deri më 24 Maj. E vetmja pikë kufitare që do punojë është e Kakavijës, e cila do punojë nga ora 07.00 deri më 19.00 dhe do lejohen të kalojnë deri në 400 veta.
Ndalohet hyrja në Greqi e qytetarëve shqiptarë që duan të vijnë në Greqi për arsye turistike apo vizite. Ndalohen personat me pasaportë shqiptare, apo me 90 ditorëshin.
Në Greqi lejohet të hyjnë vetëm personat që kanë leje qëndrimi ose nënshtetësi Greke.
Por ndërkohë jepet e drejta për të lëvizur pa test për ata që kanë bërë të dy dozat e vaksinës, jo më vonë se 14 ditë nga data e udhëtimit,si dhe hiqet karantina. Këto janë masat lehtësuese, pjesa tjetër mbetet siç ishte për shqiptarët deri në 24 maj.
Për sa i përket personave që do lejohen të hynë në Greqi do duhet të kenë me vete këto dokumenta:
Pasaportë Greke ose Pasaportë Shqiptare me leje qëndrimi
PLF të plotësuar 24–72 orë përpara udhëtimit
Të kenë bërë të dy vaksinat dhe të kenë kaluar 14 ditë nga data e vaksinës së fundit. Personat në fjalë duhet të kenë me vete certifikatë vaksinimi nga autoritete shtetërore ose e-albania në Gjuhën Angleze, ku do shkruhet emri mbiemri siç është në pasaportë, lloji i vaksinës, data e kryerjes së vaksinave.
Në rast se nuk kanë vaksinë do duhen të ketë me vete test RT-PRC të bërë 24 deri në 72 orë përpara udhëtimit.
Top Channel
