Në kërkim si kreu i bandës së trafikantëve shqiptarë, prokuroria e Ekuadorit lidh shkodranin Dritan Gjika me pastrimin e 31 milionë dollarëve 18/04 20:18
Kryetari i Partisë Lëvizja Demokratike Shqiptare, Myslim Murrizi i ftuar mbrëmjen e sotme në emisionin “Open” në Top Channel ka komentuar se përse partia të cilën përfaqësonte e shumë parti të tjera të vogla pësuan një dështim në zgjedhjet e 25 prillit.
Ai theksoi se partitë e vogla nuk janë trajtuar në mënyrë të barabartë me ato të mëdha që në fushatë, duke treguar se kanë shpenzuar nga buxheti i shtetit 387 mijë dollarë për Facebook.
Murrizi gjithashtu ironizoi edhe kreun e PD-së Lulzim Basha dhe kryeministrin Edi Rama, të cilët thonë se në votat e pavlefshme do të dalin mandate të partive të tyre.
“Nuk e prisja këtë rezultat. Ata janë bashkë nuk është se i kam goditur, goditje është kur bën pis diçka të paqenë dhe hedh baltë. Vendosëm që listat të jenë jo më pak 2/3 të hapura para se t’u vendoste herësi i Damian Gjiknurit. Sistemi zgjedhor do të thotë që kush të kishte dëshirë ta mbante të mbyllur një pjesë. Në fushatë s’kemi qenë të barabartë. Ata i dhanë zykes, Zucenbergut 387 mijë dollar, 69 mijë Lul Basha, kur ne s’kishim asnjë lek nga buxheti i shtetit. Në 30 vite demokraci ka pasur për herë të parë 5.7 vota të pavlefshme. Dua të shikoj një më një fletët e votimit të pavlefshme, vetëm lopa mund ta besojë që pasi ka vënë një kryq dhe më pas është kujtuar që uuuu është edhe Luli më poshtë. Se di dmth kur ankohet Rama dhe Basha që kanë pasur roje rrushi në tavolinë. 87% kanë dhënë votë preferenciale. I vlerësoj shumë ata shqiptarë që na kanë votuar. At jo vetëm që janë nxjerrë vota të pavlefshme do të shihni gallatë që ka pasur kryq vetëm tek subjekti politik. 100 mandate të kem nuk mbështes LSI por i takonin 10 mandate”, tha Murrizi.
Top Channel
