Dha dorëheqjen e parevokueshme! Tom Doshi: Unë nuk hyj në parlament, por partia jonë do jetë aty! Lakim i pavend dhe tendencioz i emrit tim!

“Së pari due që të jem plotsisht i lirë që t’i përkushtohem me të gjitha mjetet që më ofron ligji, mbrojtjes së emnit tem prej lakimit të pavend dhe tendencioz që i asht ba kohët e fundit, duke cliruar kështu energjitë e PSD vetëm drejt misionit politik dhe përfaqësimit të interesave të qytetarëve.

Ky vendim asht marrë vetëm sepse së bashku me një ekip me njerëz të rinj, të përkushtuar dhe me integritet, kemi arritë objektivat që i kishim vu vetes, pra mobilizimi jonë e dha rezultatin e vet, u impenjova për fitore dhe e arritëm fitoren”, thotë ai ndërsa shton se emri i tij është lakuar pa vend me arsye tendencioze.

“Un nuk hyj në parlament, por partia jonë do të jetë aty. Un nuk hyj në parlament sepse nukdu që votat tueja të kenë asnji pengesë, së bashku me deputetet tanë në parlament do taçojmë nalt zanin tuej dhe s’do t’ju zhgënjejmë asnjiherë“, tha ai më tej.

Më herët ambasada amerikane ishte shprehur kundër kandidimit të tij në zgjedhje. Ambasadorja Yuri Kim disa herë ka përmendur emrin e Doshit, si një person të cilit i është ndaluar hyrja në Shtetet e Bashkuara që në vitin 2018 për shkak se “është i përfshirë në korrupsion të nivelit të lartë”. Kjo nuk e pengoi Doshin të përfshihej në listat për deputet të partisë Social Demokrate, nga ku tashmë ka dhënë dorëheqjen.

Deklaratë për shtyp e liderit të PSD-së zotit Tom Doshi

Të dashtun antarë të PSD-së, mbështetës, aktivista dhe miq,

Duke qenë i vetëdijshëm se shumëkush asht surprizuar nga dorëheqja jeme, kam detyrim moral përpara jush që t’ju sqaroj për vendimin që kam marrë për me dhanë dorëheqjen nga mandati jem si deputet.
Ma së pariasht e rëndësishmë t’ju garantoj se kam hequr dorë nga mandati, por jo nga Partia Social Demokrate dhe as nga angazhimi politik për përmbushjen konstante të premtimeve ndaj jush. Për këto premtime, sic e kam vertëtuar edhe në të kaluarën, do të punoj cdo ditë, fushatë elektorale ose jo, duke qënë pikërisht ky angazhim busulla ime e përditshme në angazhimin politik.
Ky hap asht ndërmarrë prej mejet për këto arsye:
• Së pari due që të jem plotsisht i lirë që t’i përkushtohem me të gjitha mjetet që më ofron ligji, mbrojtjes së emnit tem prej lakimit të pavend dhe tendencioz që i asht ba kohët e fundit, duke cliruar kështu energjitë e PSD vetëm drejt misionit politik dhe përfaqësimit të interesave të qytetarëve.
• Ky vendim asht marrë vetëm sepse së bashku me një ekip me njerëz të rinj, të përkushtuar dhe me integritet, kemi arritë objektivat që i kishim vu vetes, pra mobilizimi jonë e dha rezultatin e vet, u impenjova për fitore dhe e arritëm fitoren.
• Në parlament apo jashtë parlamentit Tom Doshi asht dhe do të jetë gjithmonë me ju, sepse do të vijoj të jem në udhëheqje të PSD-së dhe nuk do t’ju braktisi asnjiherë.
• Detyrimi jem politik dhe moral karshi jush, është përkushtim që i ka rranjët në historikun tem familjar dhe në bësimin në Zot që më frymëzon për t’ju shërbyer e për të përcjellë zanin tuaj në vendimet politike që ndikojnë në jetët tuaja.
• Të gjithë ata që do t’ju përfaqsojnë ju në parlament do të luftojnë me mish e me shpirt për ju dhe nuk do ta tradhtojnë votën tuj, këtë impenjim e kam marrë kur ju kam kërku votën dhe këtë premtim do ta mbaj gjithmonë.
Të dashtun Miq,
Politika fillon tek ju dhe bahet në parlament por do të ishte nji politikë shterpë, nëse prejparlamentit nuk do të kthehej prap tek ju për me dhanë frutet e veta.
Un nuk hyj në parlament, por partia jonë do të jetë aty. Un nuk hyj në parlament sepse nukdu që votat tueja të kenë asnji pengesë, së bashku me deputetet tanë në parlament do taçojmë nalt zanin tuej dhe s’do t’ju zhgënjejmë asnjiherë.
Ju falenderoj secilin prej jush për forcën, besimin, ngrohtësinë njerzore që me keni dhanë,ju na dhatë votën tuej e ne ju dhamë fitoren, tashti së bashku do të ndërtojmë në parlamentdhe kudo të ardhmen tonë.
Me respekt
Tom Doshi

Top Channel