Mijëra fermerë protestojnë në Londër kundër taksës së re të qeverisë laburiste (fotot)
19/11 16:54
Një gjendje e jashtëzakonshme është shpallur në qytetin e Miami Beach në SHBA, pasi turma të mëdha njerëzish u grumbulluan për të festuar për pushimeve pranverore, duke rrezikuar përhapjen në masë të Covid 19.
Qeveria ka njoftuar ndalimin e qarkullimit, në harkun kohor 20:00-06:00, të paktën deri në 12 prill. Po ashtu, është njoftuar se bizneset në zonën e plazhit duhet të mbyllen.
Kryebashkiaku i Miami Beach, Dan Gelber tha se mijëra turistë kanë sjellë “kaos dhe çrregullim” në qytet. “Ndihet si një koncert rok-u, nëse po vini këtu për t’u çmendur, shkoni diku tjetër“, tha Gelber për BBC.
Pushimi i pranverës është një periudhë pushimi për shkollat dhe universitetet në SHBA që zakonisht zhvillohet në mars ose prill. Mijëra turistë nga vendet e ftohtë lëvizin drejt Miamit dhe shteteve të tjera, me temperatura të larta.
Zyrtarët paralajmëruan turistët të “mbajnë përgjegjësi ose do të arrestohen”. Megjithatë, gjatë fundjavës, zona e Miami Beach ishte e mbushur me njerëz që argëtoheshin, shumica prej të cilëve nuk mbanin maska dhe nuk ruanin distancën fizike.
Top Channel
