Masakër në një universitet në SHBA, dy të vdekur dhe tetë të plagosur. Arratiset autori 14/12 01:07
Sulmet ajrore amerikane kundër milicive të mbështetura nga Irani në lindje të Sirisë, do të inkurajojnë terrorizmin në rajon deklaroi një zyrtar i lartë i sigurisë në Teheran.
Washingtoni njoftoi se ka kryer sulme ajrore ndaj pozicioneve të milicive pro-iraniane në Sirinë lindore, në afërsi të kufirit me Irakun, në përgjigje të sulmeve me raketa kundër caqeve amerikane në Irak.
“Veprimet e fundit të Amerikës forcojnë dhe zgjerojnë aktivitetet e Shtetit Islamik në rajon”, deklaroi Ali Shamkhani, anëtar i Këshillit Suprem të Iranit.Ai këto komente i bëri gjatë takimit në Iran me ministrin e Jashtëm irakian, Faud Hussein.
“Sulmi ndaj forcave rezistencës kundër terroristëve është fillimi i një raundi të ri të terrorizmit të organizuar”, citohet të ketë thënë ai sipas Reuters. Zyrtarët e milicisë irakiane thanë se nga këto sulme mbeti i vrarë një luftëtar dhe u plagosën katër të tjerë. Administrata Biden e ka bërë të qartë se do të veprojë në mënyrë që të shmanget një përshkallëzim i madh i situatës në këtë rajon.
Shamkhani tha se “ne do ta konfrontojmë planin e SHBA-së për të ringjallur terrorizmin në rajon”, por nuk dha detaje të tjera. Zyrtarët perëndimorë dhe disa udhëheqës irakianë kanë fajësuar grupet e mbështetura nga Irani, se janë përfshirë në sulmet vdekjeprurëse me raketa mbi objektivat amerikane në Irak gjatë këtij muaji.
Top Channel
