Kandidati prorus prin në zgjedhjet presidenciale në Rumani 25/11 08:36
Alexei Navalny është përballur sërish me dyert e gjykatës dhe prokuroria kërkoi që të gjobitej me 13 mijë dollarë.
Sipas Reuters, dënimi ka të bëjë me fyerjen e një veterani rus të Luftës së Dytë Botërore.
Agjencia deklaron se deri më sot, nuk dihej nëse prokuroria do të kërkonte burgim përveç një gjobe në këtë rast, pasi shpifja sipas ligjit rus mund të dënohet me burgim deri në dy vjet.
Gjykatësi njoftoi sot se vendimi do të shpallet të shtunën, në të njëjtën ditë kur opozitari duhet të paraqesë një apel kundër dënimit me burgim prej gati tre vjetësh, pasi gjykata vendosi më parë që të shkelte lirimin me kusht.
Navalny akuzohet për shpifje ndaj një veterani i cili vitin e kaluar mori pjesë në një video promovuese që mbështet reformat kushtetuese që lejojnë presidentin rus, Vladimir Putin të kandidojë për dy mandate të tjera në Kremlin pas vitit 2024, nëse ai dëshiron.
Shumica e rusëve kanë respekt të madh për veteranët e Luftës së Dytë Botërore dhe kritikat ndaj tyre zakonisht konsiderohen të papranueshme nga shoqëria.
Top Channel
