“Desh bëri masakër aty. Një i çmendur që ecën më 150 km në semafor”, kështu tha në Open gazetari Mentor Kikia për aksidentin përballë TVSH, ku dy makina u përplasën, në një aksident të frikshëm rrugor.
Ngjarja ishte tepër e rëndë, pasi 2 kalimtarë të rastit shpëtuan për më pak se 1 sekond nga vdekja e sigurt.
Aksidenti u shkaktua nga një makinë e tipit BMW, e cila me një shpejtësi mbi 150 km/orë hyri me të kuqe dhe përplasi një makinë Skoda. Kjo e fundit po vinte nga rruga e Liceut Artistik në drejtim të Kryeministrisë.
Shoferi i BMW ishte i riu Stiverjan Dashi, i cili shpëtoi paq me vetëm një gjobë si dënim për ngjarjen që mund të ishte fatale.
Ndërkohë që gazetarja Anila Hoxha zbuloi në Open se për ngjarjen nga e cila nuk u raportua për të lënduar nga policia , dy persona janë paraqitur në spital dhe kanë marrë ndihmë mjekësore, që ishin në makinën që përplasi BMW-ja.
“Ka marrë ndihmë mjekësorë dhe ka dalë nga spitali, Arbri Muça ka mbetur i lënduar edhe Dritan Telhai , pra kemi dy të lënduar”, tha Hoxha.
Top Channel
