Ka vijuar normalisht në ditën e tretë procesi i vaksinimit antiCovid pranë stadiumit “Air Albania”.
Vijojnë të vaksinohen personeli mjekësor i dy spitaleve Covid. Gjatë ditës së sotme është planifikuar të vaksinohen 78 persona dhe në tre ditë numri i të vaksinuarëve pritet të jetë 200.
“Jam infermiere, vij nga Sanatoriumi. Më njoftuan se duhet të vija. E kam kaluar tre mujorshin e Covidit, por riskoj të infektohem prapë”.
Sasia e parë e vaksinave që ka mbërritur do të përdoret e gjitha për mjekët dhe infermierët e dy spitaleve Covid, në mënyrë që ata të kenë të sigurtë të dy dozat e vaksinës.
Javën e tretë të janarit pritet të vijë një tjetër sasi prej 10.700 vaksinash, me të cilat do të nisë vaksinimi i mjekëve në spitalet rajonale, QSUT, mjekë e familje.
Top Channel
