Emri/ Të shtëna me armë zjarri në Milot, plagoset një person, dërgohet në spital
13/01/2021 12:49
Frikë nga dërgmi në Ruandë, “zhduken” shqiptarët nga qendrat azilkërkuese në Angli 24/04 11:50
Në rrethana ende të paqarta është plagosur me armë zjarri shtetasi Ylli Ibrahimi, i cili është transportuar menjëherë në spital dhe ndodhet nën kujdesin mjekësor.
Burime për Top Channel bëjnë me dije se Ibrahimi është qëlluar me armë nga dy persona që lëviznin me një motor, në qendër të Miloti.
Policia ka mbërritur menjëherë në vendngjarje dhe po heton për zbardhjen e rrethanave.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
Njoftimi i policisë: Lezhë/Informacion paraprak
Rreth orës 12:10, në Milot,Kurbin, në rrethana ende të paqarta është plagosur me armë zjarri shtetasi Y.I., i cili është transportuar në spital dhe ndodhet nën kujdesin mjekësor.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
Top Channel
