Kaluam një vit të vështirë, por si do të jetë ekonomia në vitin 2021?

31/12/2020 15:20

Eksperti i ekonomisë, Majlind Lazimi jep parashikimin e tij për ekonominë e vendit për vitin e ardhshëm.

Në “Shqipëria live”, Lazimi tha se pasiguria ishte kryefjala e 2020-ës, pasiguria lidhet drejtpërdrejt me ekonominë. “Ekonomia pati pasiguritë e veta, të gjitha bizneset u detyruan të ndryshojnë planet financiare. Familjet shqiptare kuptuan që ekonomia po vuan, shumë shqiptare jetojnë vetëm me pagat mujore ose dërgesat e emigrantëve, kuptuan që duhet të jenë më nikoqir me të ardhurat”.

Sipas tij,  ka një transformim në sjelljen ekonomike të qytetarëve.

3 mujorin e parë të vitit 2021, eksperti e sheh si më të vështirin për ekonominë tonë. “Në 3 muajt e ardhshëm ndoshta do prekim pikën më të ulët. Por mendoj se do të ketë një pikë kthese në 6 mujorin e dytë të vitit do të ketë një rritje graduale, ndikuar dhe nga turizmi”.

Në fakt, sipas mjekëve, mund të jemi optimistë për verën e ardhshme pasi të infektuarit e Covid-19 do të reduktohen ndjeshëm. Ndërkohë edhe ekonomistët janë optimistë sepse nëse udhëtimet dhe turizmi vazhdojë si më parë, edhe situata ekonomike do të përmirësohet.

Top Channel