“Duhet të luftojmë”, Zelensky tregon çfarë i duhet Ukrainës për t’u futur në NATO: Do anëtarësohemi shumë shpejtë 22/12 22:51
Anëtarët e Komisionit Rregullator dështuan të bien dakord për miratimin e rregullave, të cilat kufizojnë aktivitetet publike të kryeministrit, ministrave dhe kryetareve të Bashkive 4 muaj para zgjedhjeve.
Rregullatori kërkoi kohë për shkak të qëndrimeve të ndryshme , se cilat aktivitete duhet të konsiderohen si abuzim i partisë në pushtet me burimet shtetërore pas 25 Dhjetorit.
Projektvendimi i hartuar nga Kryekomisioneri Ilirjan Celibashi reflektonte dakordësinë e palëve në Këshillin Politik ku u parashikua që qeveria nuk mund të rrisë paga dhe pensione, nuk mund të kryeje amnisti apo privatizime, si dhe të bëjë ulje taksash apo të promovojë në publik aktivitete si shpërndarja e lejeve të legalizimit dhe banesave të rindërtuara nga tërmeti.
Por, amendamentet e propozuara nga përfaqësues të opozitës jo parlamentare pak orë para mbledhjes u bënë shkak për mos arritjen e konsensusit dhe shtyrjen e saj. Në dokumentin e propozuar nga opozita kërkohet që mazhorancës politike si në nivel qendror ashtu dhe vendor jo vetëm t’i kufizohet promovimi i investimeve në infrastukturë dhe fusha te tjera strategjike por t’i kufizohej edhe mbështetja përfshirë atë financiare.
Ky përkufizim u vlerësua si radikal nga anëtarët e zgjedhur nga socialistet në Komisionin Rregullator të cilët kanë kundershtitë e tyre sa i takon pjesës më të madhe të kufizimeve me argumentin se ato cenojnë liritë dhe të drejtat politike.
5 anëtarët e Komisionit Rregullator kanë 24 orë kohë për arritjen e një drafti konsensusal, i cili duhet të shkojë për miratim në mbledhjen e së mërkurës.
Top Channel
