EMRAT/ Ngushtohet lista! Këto janë 39 garuesit për FBI-në shqiptare, ende dy ‘pengesa’ pa kaluar

Tashmë janë 39 emra që kanë kaluar Fazën e Intervistimit dhe përzgjedhjes së kandidatëve dhe tashmë janë gati për fazat e mëtejshme të konkurrimit.

Gazetarja e Top Channel, Anila Hoxha bën me dije se kandidatët e mbetur kanë ende për të kaluar edhe dy pengesa që janë Vettingu dhe testi i poligrafit apo siç njihet ndryshe makina e të vërtetës.

Njoftimi i bërë nga BKH:

Komisioni i Përzgjedhjes në datë 19.11.2020, mbylli Fazën e Intervistës dhe përzgjedhjes së kandidatëve, për fazat e mëtejshme të konkurrimit. 

Për të parë listën me kandidatët e kualifikuar, shikoni listën e kandidatëve që gjendet në LINK 1, bashkëlidhur. Kandidatët e kualifikuar janë të renditur sipas numrit rendor nga 1 deri 39.

Kandidatët e kualifikuar, do të plotësojn deklaratën e pasurisë dhe  interesave private e kandidatit për pozicione të ndryshme në institucionet e sistemit të drejtësisë, që gjendet në LINK 2, bashkëlidhur.

Deklarata e pasurisë, e plotësuar, do të dërgohen të skanuara, me e-mail, në adresën [email protected], jo më vonë se data, 02.12.2020.

Kandidatët e kualifikuar, do ti nënshtrohen Testit të Poligrafit. Vendi, data dhe ora e zhvillimit të Testit të Poligrafit dhe udhëzime të hollesishme do të njoftohen në datën 02 Dhjetor 2020, në ëebsite-in e BKH-së, (BKH.al)

Faza e Intervistës u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.

Falenderojmë gjithë aplikantët që shprehën vullnetin për të marrë pjesë në këtë konkurrim.

Lista: 

Top Channel