Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Zhvillimi vjen një javë pasi një program i gjerë vaksinash u pezullua në vend prej shqetësimeve mbi sigurinë e tyre.
Pesë njerëz kanë vdekur në Korenë e Jugut pas marrjes së vaksinës së gripit të zakonshëm javën e kaluar, njoftuan sot autoritetet, duke shtuar shqetësimet për sigurinë e vaksinave dhe zgjerimin e programit të tyre për sezonin e ftohtë.
Autoritetet thanë se nuk ka arsye të besohet se vdekjet ishin të lidhura me vaksinën por një hetim ka nisur dhe analiza post-mortem janë duke u zhvilluar.
“Është e vështirë për ne të japim një deklaratë kategorike”, tha sot ministri vendas i shëndetësisë Kim Gang-lip në një konferencë shtypi mbi vdekjet, në të cilat përfshiheshin një djalë 17 vjeçar dhe një të moshuar në të 70-at.
Zhvillimi vjen një javë pasi një program i gjerë vaksinash u pezullua në vend prej shqetësimeve mbi sigurinë e tyre.
17-vjeçari që vdiq të premten kishte marrë vaksinën dy ditë më parë në Incheon, pranë kryeqytetit Seul.
Ndërsa i moshuari qe kishte sëmundjen e Parkinson dhe aritmi, vdiq me vone, një ditë pas marrjes së vaksinës.
Zyrtarët shëndetësor në Daegu thanë se burri i moshuar merrte rregullisht vaksina që prej vitit 2015 dhe nuk kishte pasur reaksione negative.
Muajin e kaluar zyrtarët koreanë thanë se do të administrojnë 20 për qind më shumë vaksina gripi se vitin e kaluar.
Ata shpresojnë të imunizojnë 30 milionë njerëz duke tentuar të parandalojnë mbingarkimin e sistemit shëndetësor me pacientë me grip, që mund të shtojnë rrezikun e përhapjes së Covid-19.
Por nisja e programit u pezullua tre javë pas nisjes pasi u zbulua se rreth 5 milionë doza, të cilat normalisht ruhen në kushte frigoriferike, ishin ekspozuar ndaj temperaturës së dhomës gjatë transportit.
Top Channel
