“Do më lësh të flas apo të kthehem ndryshe”, Grida Duma përplasje të fortë me juristin në Top Story 18/04 22:54
Një ditë më parë, kryetari i Bashkisë së Tiranës, Erion Veliaj lajmëroi se ishte shëruar nga Covid-19 pas një trajtimi të gjatë që pas infektimit.
Veliaj është rikthyer në zyrën e tij për të vazhduar punën tashmë. Gjatë një intervistimi nga gazetari Muhamed Veliu, në edicionin informativ të orës 15:00, Veliaj ndau detaje nga përballja e tij me pandeminë.
Teksa u shpreh se pati turbullim shikimi, si pasojë e prekjes nga koronavirusi, Veliaj shtoi:
“Kam nxjerrë mësime nga kjo histori. Kalova shumë kohë në shtëpi duke lexuar, duke reflektuar për jetën.”
Kryebashkiaku u pyet sa i takon zërave që thanë se ai kishte shkuar në Turqi për kurim. Veliaj e hodhi poshtë pretendimin në fjalë duke thënë se u ka besuar bluzave të bardha shqiptare.
“Nuk jam kuruar jashtë”, deklaroi Veliaj.
Përsa i përket komenteve të shumta, që lindën me daljen e tij në publik pas shërimit nga Covid-19, lidhur me ndryshimin në pamje, Veliaj tha:
“Kam tre javë e gjysmë në shtëpi”,duke sqaruar se i vetmi vend ku mund të dilte ishte ballkoni.
Më tej Erion Veliaj u shpreh se po vijon puna për zbatimin e projekteve të bashkisë.
“Po shikojmë mundësi për një amnisti tjetër për bizneset.”
Top Channel
